NOTICIA

CARLOS PEÑA ARRAKASTAZ AMAITU DU 24 ORDUKO ZEHARKALDIA IGERIAN GIPUZKOAKO ERIZAINEN OMENEZ

Noticia del 10/10/2021 - www.donostitik.com

Tolosar igerilariak Orioko Arraunetxera iritsi da gaur eguerdian, Orioko itsasadarrean 24 orduz bizkar estiloan igerian aritu ondoren.

Carlos Peña tolosar igerilariak gaur, igandea, 12:00etan, burutu du bere buruari jarri zion erronka: 24 orduz etengabe igerian egitea zeharkaldi solidario eta puntako batean, Gipuzkoan lan egiten duten 5.465 erizainak aitortzeko eta omentzeko.

Nabarmen nekatuta eta hunkituta, Carlos Peñak eskerrak eman dizkie bera babesteko zain zeuden pertsonei, eta azpimarratu du zeharkaldi horren zuen helburua bete ahal izana espero duela, hau da, erizainei bere «errespetua, miresmena, maitasuna eta animoa» helaraztea.

COEGIko lehendakari Pilar Lekuonak eskerrak eman ditu Gipuzkoako erizainen izenean Carlos Peñaren omenaldiagatik, eta haren kemena, saiatzea eta indarra nabarmendu ditu. «Eskerrik asko!», nabarmendu du. Zeharkaldia antolatzen Orioko Udalak lagundu du, eta bere lana ezinbestekoa izan da erronka garatzeko.

Carlos Peña

Carlos Peña distantzia luzeko atleta izan zen gaztetan, 3 maratoitan parte hartu eta 2h32m-ko markarik onena lortu zuen 20 urterekin. Behobia-Donostia irabazi zuen jubenilen mailan.

Lesio larri baten ondoren, atletismoa utzi eta diziplinaz aldatzea erabaki zuen. Horrenbestez, 1989tik bizkarreko modalitatean egiten du igerian, muturreko igeriketan. Berak dioen bezala: «ingurumenaren defendatzaile porrokatua naiz, beharra duen jendearen aldeko kausa humanitario eta solidario guztiek asko motibatzen naute, arraza, politika edo sinesmen bereizketarik egin gabe».

<< volver